Réserve d'eau dans l'extrême Sud

 Question Orale session CTC N° 2016/O1/021 relative aux Réserves d’eau dans l’extrême sud

Questions orale posée par Mr Paul André Colombani au nom du groupe Femu a Corsica:

Pouvez-vous nous faire un état des lieux de la situation générale actuelle concernant les réserves d’eau ? La situation nécessite-t-elle la mise en place de dispositions particulières ? Si oui, quelles sont-elles ?
Enfin, plus particulièrement, quelles sont les perspectives de prévention de ce risque que peut mettre en place l’Office d'Equipement Hydraulique de la Corse afin de pallier ce problème récurrent ?

Réponses de Mr Saveriu Luciani, conseiller exécutif :

O Sgiò Presidente, o sgiò Cunsiglieri, Caru amicu,

 A vostra dumanda palesa una primura maiò, à livellu di e risorse in acqua di u nostru paese, è più largu chè cusì, in sta situazione di riscaldamentu climaticu propiu incertu chi tocca u Mediterraniu.
 Tandi, si capisce bè ch’ellu hè sopr’à tuttu un quistiunamentu legitimu, moltu più per un’elettu di sta regione di u Meziornu Stremu.
 Sappiate chì a vostra regione hè appruvistata d’estate, da dui matrali, quellu di U Spidali, d’una capacità di trè milioni è trecentu mila metri cubi è quellu di Talza, in Figari,
 cù cinque milioni è sette centu mila metri cubi.
 Un passu in daretu per divvi ch`ùn hè piossu tantu d’auturnu è d’inguernu.
 Cunsequenze negative : à mezu ferraghju eramu si pò di à chì feremu, cù poc’acqua à U Spidali è solu 40 per centu in Figari. Avete forse rimarcatu chì à listessa epica, avia indiatu une poche d’azzione, à titulu cunservatoriu :

• Prima, a mubbilisazione specifica di l’agenti di l’Offiziu d’Ecchippamentu Idrolicu di Corsica, da ch’elli fianu un seguitu cuntinuvu di tutti i retali, da riduce e perdite o puru l’arrubbecciu.
•  Dopu, aghju fattu reunione d’infurmazione cù l’agricultori, nant’à u situ di u matrale di Talza, è, u 24 di ferraghju, cù tutti l’eletti di a Cumunità di Cumune di u cusì dettu « Sud Corse » in Purtivechju. Dipoi, i servizii prefetturali si sò puru messi in ballu.
• Aghjustemu ch’in lu frattempu avia dumandatu u 18 di Ferraghju à u Prefettu, una derugazione per fà passà per anticipazione a presa di l’Asinua da l’addebbitu riservatu inguernale (cinquanta litri à segonda) à l’addebbitu riservatu statinale, vale à dì à quattordeci litri à segonda.
   Sappiate chì u U Spidali cù l’acqua di l’Asinau.

 Dipoi tandu, ancu di grazia, hè piossu è puru nivatu à pena ancu quaiò, per u più à l’entre marzu. A situazione hà pigliatu capu bonu, di manera significativa, postu chì oramai U Spidali hè pienu à settanta cinque per centu, sia dui milioni è mezu di metri cubi, è Figari ghjunghje à basi novanta per centu, sia cinque milioni è trecentu mila metri cubi.
 In logica, vole dì ch’ellu ci seria micca risicu di scarsità per chist’annu, s’omu hè ragiunevule. Averia da firmà circa un milione è trecentu mila metri cubi per mezu’ottobre chì vene.
 Ma puru, ci vole à fà casu chì s’ella vene impurtante a cunsumazione, chì sapete bè chì più cala a risorsa è più cala a qualità fisicachimica di l’acque, sopr’à tuttu in Figari.
 D’altronde, s’ellu si viota u Spidali troppu in furia, ùn si puderà assicurà un’alimentazione cumpletta, solu à partesi da Figari.
 Per faccila corta, ci tocca à fà casu, chì u veranu ripiglia a suprana è pare di più in più caldu.
 Per contu nostru, o sgiò cunsiglieru, vi possu dì chì l’Offiziu hà travagliatu in u sensu di a migliurazione di a situazione, fendu unepochi d’invistiscimenti :

•  Per indettu u rimpiazzamentu di tante canalisazione difettose o vechje, è u sviluppu currelativu di a debbimetria, à u scopu di cresce a rendita in tutti i retali. Sappiate chì    aspetta quantunque un bellu cartulare d’un milione è mezu, vutatu in lu 2013, aspetta sempre u finanzamentu di u PEI per cuntinuà sti travaglii.
• Ci hè dinò l’opera indiata di migliurazione di i trasferrimenti da guarantisce per esempiu l’alimentazione cumpletta di a stazione di Nota, à partesi da u matrale di Figari. Chì vole dì ? a custruzzione d’un surpressore in Campiccioli è parechji chilometri di canalisazione in 600; Dinò quì, sò operazione previste in u quatru di a terza cunvenzione d’appiicazione di u PEI.

 Per compie, vi ricordu ch’è n’avemu abbuccatu una cuuperazione cù a Sardegna, nant’à e prublematiche di l’acqua in u Mediterraniu, è appruntemu una cunvenzione cù l’Università di Corsica, primurosi ch’è no simu di sviluppà a ricerca in sti tempi incerti di riscaldamentu climaticu.
 Per cunclude è davvi infine un’antra strada ch’è no circhemu à apre, vi diceraghju chì a securisazione di a pruvista in acqua di u Meziornu Stremu seria di realizà un’antru matrale, forse nant’à u Cavu, chì custeria circa sessanta milioni d’euri. Quì ci vuleria un sforzu tamantu, chì, a sapemu bè, stu PEI ùn basterà manc’à pena à stabbilizà a situazione generale per sti vint’anni à vene.
 In tantu, per ciò chì tocca stu prugettu di matrale nant’à u Cavu, avemu principiatu i studii, ch’ellu ci vuleria à finisce è chì sò, elli, previsti in u quatru di sta terza cunvenzone di u PEI.
 Eccu, o sgiò cunsiglieru, per risponde à i vostri penseri. Siate persuasu chì l’Offiziu d’Ecchippamentu Idrolicu di Corsica dà capu è derà sempre capu à e vostre primure cù
 tutta a so forza è e so cumpetenze, per a vostra regione, ma ancu per l’altre regione di
 st’isula.
 À ringraziavvi.